საფრანგეთი, მეცნიერებათა აკადემია

მეცნიერებათა აკადემია პირველად ლუი XIV-მ 1666 წელს დააარსა, როგორც მეცნიერებათა სამეფო აკადემია. ეს იყო სამეცნიერო ელიტის წარმომადგენელი უფლებამოსილი ორგანო, რომელიც რევოლუციის არეულობამდე აყვავდა. 1793 წელს ყველა სამეფო აკადემიის გაუქმებით ეს პერიოდი დასრულდა. აკადემიური და სამეცნიერო ცხოვრების რეორგანიზაცია კვლავ 1795 წელს დაიწყო ერთიანი დაწესებულების: „საფრანგეთის ინსტიტუტის“ დაარსებით. მასში გაერთიანდა ყოფილი სამეფო მეცნიერებათა, ჰუმანიტარულ და ხელოვნების აკადემიების დარჩენილი „კლასები“, რომლებიც ადრე დაშლილი იყო. საფრანგეთის ინსტიტუტის ფარგლებში, მეცნიერების კლასებმა და სამმა სხვა დისციპლინამ აკადემიების თავდაპირველი სტატუსი 1816 წელს დაიბრუნეს. ამასობაში, ნაპოლეონ I-მა, რომელიც 1797 წელს ინსტიტუტის მექანიკური ხელოვნების სექციაში არტილერიის გენერალად ნაპოლეონ ბონაპარტად აირჩიეს, 1832 წელს საფრანგეთის ინსტიტუტი, მისი ოთხი აკადემიის ჩათვლით (ხუთი 1805 წლის შემდეგ), ყოფილ სამეფო კოლეჯში, ინსტიტუტის სასახლეში დააარსა.

აკადემია არის მოქმედი ორგანო, რომელიც ეძღვნება მეცნიერების წინსვლას და მის გამოყენებას. ის რეგულარულად აქვეყნებს (ფრანგულ და ინგლისურ) შვიდ დისციპლინურ ჟურნალს les comptes-rendus de l'Académie des Sciences, რომელიც მოიცავს მნიშვნელოვან ახალ შედეგებს მათემატიკაში, დედამიწისა და პლანეტარული მეცნიერებების, მექანიკის, ფიზიკის, ასტრონომიის, ქიმიისა და სიცოცხლის მეცნიერებებში.

საფრანგეთის მეცნიერებათა აკადემია ხელს უწყობს, მხარს უჭერს და იცავს სამეცნიერო კვლევის სულისკვეთებას. ის ხელს უწყობს მეცნიერების პროგრესსა და მის გამოყენებას, მეცნიერების გავრცელებას საფრანგეთსა და მის ფარგლებს გარეთ და წარმართავს მიმდინარე და სამომავლო პოლიტიკურ, ეთიკურ და სოციალურ საკითხებზე რეფლექსიას.

ჟურნალი რეგულარულად აქვეყნებს მულტიდისციპლინური ჟურნალის Comptes rendus de l'Académie des sciences-ის შვიდ სერიას ფრანგულ და ინგლისურ ენებზე. ჟურნალი მოიცავს მნიშვნელოვან ახალ მიღწევებს მათემატიკაში, დედამიწისა და პლანეტარული მეცნიერებების, მექანიკის, ფიზიკის, ასტრონომიის, ქიმიისა და სიცოცხლის შემსწავლელი მეცნიერებების დარგში. ცოტა ხნის წინ, სხვადასხვა სამეცნიერო დისციპლინებსა და პრაქტიკოსებს შორის დიალოგის ხელშესაწყობად, ახალი სერია სახელწოდებით „მეცნიერებების სიცოცხლე“ გამოვიდა.

აკადემია შედგება 305 სრულუფლებიანი წევრის, 57 წევრის და 112 ასოცირებული უცხოელი წევრისგან. მისი მმართველობა მოიცავს პრეზიდენტს, ახლადარჩეულ და ყოფილ პრეზიდენტს, ორ მუდმივ მდივანს და 3 ვიცე-პრეზიდენტს, საერთაშორისო ურთიერთობების, განათლებისა და კომუნიკაციის დელეგაციებით. აკადემიას მჭიდრო პარტნიორობა აკავშირებს „საფრანგეთის ინსტიტუტის“ სხვა აკადემიებთან, ასევე საფრანგეთის ტექნოლოგიების ეროვნულ აკადემიასთან (NATF), მედიცინის ეროვნულ აკადემიასთან და სოფლის მეურნეობის აკადემიასთან.

კასანასის ფოტო